GANBERA

Merkataritza Ganbera zuzenbide publikoko eta kudeaketa pribatuko erakundea da, eta honako eginkizun hau du:

• Merkataritzaren, industriaren, zerbitzuen eta itsas sektorearen interes orokorrak ordezkatzea, sustatzea eta defendatzea.
• Enpresei zerbitzuak ematea.
• Bizkaiko ekonomia sustatzeko behar diren jarduera guztiak egitea.

Ganbera Administrazio Publikoekiko kontsulta eta lankideta-organoa da, eta haien aurrean enpresen interes orokorrak ordezkatzen dituzte. Bere helburuek garrantzi sozial eta ekonomikoa dutenez, Legeak ezartzen du enpresa guztiak automatikoki atxikiko direla bertako Erroldara. Ganberaren interes orokorrekin bat egiten duten erakundeetan parte-hartze aktiboa sustatze aldera, Ganberak Ordezkaritza duten hainbat Erakundetan parte hartzen du. Gastuaren kontrola kanpoko Auditoretzak bermatzen du, eta kontabilitate eta aurrekontu eragiketa guztiak Tutoretzapeko Administrazioak, Eusko Jaurlaritzako Turismo, Merkataritza eta Kontsumo Sailak, ikuskatzen ditu.

Ganberaren Gobernu-Organoak honako hauek dira: Osoko Bilkura, Batzorde Betearazlea eta Presidentea. Funtzionamendurako mekanismo operatiboak honako hauek dira: osoko bilkurak, aholku-batzordeak (gobernu-organoei aholkuak emateko talde iraunkorrak, sektore edo arlo zehatzetan espezializatuak eta erabakitzeko ahalmenik gabeak) eta lantaldeak (noizbehinkakoak eta denboran mugatuak, gai zehatzen azterketan zentratuak).

• Osoko Bilkura Ganberaren gobernu eta ordezkaritza-organo gorena da. Mugapeko enpresek eta Ganberaren barrutiko ekonomi arloan ospe handia duten pertsonek osatzen dute, lau urtean behin demokratikoki hautatzen dira.
• Batzorde Betearazlea Ganberaren kudeaketa, administrazio eta proposamen-organo iraunkorra da.
• Presidenea Ganberaren ordezkaria da, Ganberako kide anitzeko organo guztien buru da eta Ganberaren erabakiak betearazteaz arduratzen da.

Gobernu-organoetako karguak ez dira ordaintzen.

Ganberak Bizkaiko enpresa guztien interesak ordezkatzen ditu, Foru Lurraldeko sektore ekonomiko desberdinetako ordezkariak integratzen baititu (enpresek demokratikoki aukeratzen dituzte, beren pisu ekonomikoaren arabera).

Arku Atlantikoa osatzen duten hamazazpi ganbera-presidenteek honako adierazpen hau sinatu zuten 2023ko ekainaren 21ean, eskualde atlantikorako erronkak eta sei lan-ildo nagusi zehazten dituena.

Aurten ere, Ganberaren jarduerak Bizkaiko enpresen garapenean laguntzera bideratu dira, eguneroko erronkak gainditzen laguntzeko, kudeaketa hobetzen duten gaietan ezagutza errazteko eta lehiakortasunari eusteko.

Bilboko Ganberak, gardentasun handiagoa emateko eta enpresaburuei eta, oro har, gizarteari bere funtzionamendua eta antolaketa-egitura jakinarazteko, ekitaldi honetako Gobernu Onaren Txostena egin du.

Funtsak honako jarduera hauetara bideratu dira: enpresak sustatzeko eta hobetzeko jardueretara, autoenplegua sustatzera, ekintzaileei arreta ematera, merkataritza sustatzera eta haien lehiakortasuna sustatzera, gazteen enplegua eta ekintzailetza sustatzera eta emakumeari enpresetan laguntzera.

Ganberako gobernu-organoetako kide diren, langileen, hornitzaileen eta bezero guztien eskura jartzen dugu salaketak aurkezteko edo arau-hauste penal edo administratiboak izan daitezkeen egoerei buruzko informazioa modu seguru eta konfidentzialean emateko bide bat.

Kontsultatu Cámarabilbaoko plan estrategikoa, 2023ko urrian onartua.