Home/Ganbera/Presidentea

PRESIDENTEA

Ganberaren ordezkari da, kide anitzeko organo guztien buru da eta Ganberaren erabakiak betearazteaz arduratzen da.

D. JOSÉ ÁNGEL CORRES ABÁSOLO JN.

Bilboko Merkataritza, Industria, Zerbitzuak eta Itsasketa Ganbearen Presidentea
Presidente de la Cámara de Comercio, Industria, Servicios y Navegación de Bilbao

José Ángel Corres Abásolo Bilbon jaio zen 1959an. Ezkonduta dago eta hiru seme-alaba ditu.

Ekonomia eta Enpresa Zientzietan lizentziatua da Deustuko Unibertsitate Komertzialean.

Bremengo Itsas Ekonomia eta Logistika Institutuan egin zituen ikasketak, Itsas Administrazioko Eskolaren beka batekin.

Eusko Jaurlaritzarentzak lan egin zuen hainbat urtez, Interes Orokorreko Portuen arduradun gisa eta Bilboko Portu Autonomoan Gobernua ordezkatzen zuten sailburuen aholkulari gisa.

Ondoren, 1986an, Bizkaiko Foru Aldundiko Ekonomia Sustatzeko Sailaren Azpiegitura sozietate publikoan sartu zen.

1987-1989 aldian Prezio eta Merkataritza Politiken zuzendari gisa lan egin zuen Pinturas Internacional enpresan, eta, gainera, konpainiak Paint Courtalds Group nazioarteko multinazionalarekin zuen harreman komertzialaz arduratu zen.

1989an, Bilboko Gordailu Zabaleko gerente izendatu zuten, 1996ra arte, eta eszedentzian utzi zuten, Bilboko Portuko Agintaritzako presidente izan zenean.

1996ko uztailaren 19an izendatu zuten Bilboko Portuko Agintaritzako lehendakari, eta 2009ko ekainaren 15era arte egon zen karguan. Etapa horretan, Sociedad de Estiba del Puerto sozietatearen pribatizazioan, Uniportek eta Bilboko Portuko Erkidegoak bat egitean eta Bilboko Itsasadarra Itsas Museoa sortzean parte hartu zuen.

Hamahiru urtez Bilbao Ría 2000ko Administrazio Kontseiluan egon da.

2002tik Bilboko Ganberaren Osoko Bilkurako kide izan da, batzordekide laguntzaile gisa, eta Itsas-Sektorearen Batzordean ere parte hartu du.

2009ko ekainean, Bilboko Gordailu Zabaleko gerentea izan zen berriro.

2010eko martxoaren 26an Bilboko Merkataritza, Industria, Zerbitzu eta Itsasketa Ganberako presidente izendatu zuten, gaur egun arte.

2013ko martxoaren 18an Euskalteleko kontseilari izendatu zuten, eta, ondoren, konpainia horretako lehendakariordea izan zen 2020ko irailera arte.