Bizkaiext, nazioartekotzeari buruzko informazio- eta aholkularitza-zerbitzuak, Bizkaiko Foru Aldundiko Ekonomia Sustatzeko Sailaren laguntzarekin eta Bilboko Merkataritza Ganberaren Nazioartekotze Sailak eskainiak, Lurraldeko enpresek egindako kanpo-merkataritzako 4.000 kontsulta baino gehiago ebatzi ditu bere sorreratik, 2013an.
Enpresa bakoitzaren egoeraren diagnostiko pertsonalizatutik abiatuta, eta gehienez ere 48 orduko epean, Bizkaiext taldeak zalantzak argitu eta era guztietako kontsultei erantzun die, hala nola herrialde jakin batera esportatzeko behar den dokumentazioa, beharrezko ziurtagiriak eta homologazioak, bete beharreko muga-zergetako eta aduanetako izapideak, edo nazioarteko kontratuak formalizatzea.
Era berean, finantzaketa eta kobrantzei, Incoterm-ei, BEZari, eragiketa triangeluarrei, EORI-ari edo baimendutako esportatzaile-kopuruari lotutako gaiak ere erantzun dira, besteak beste.
Zerbitzu hori, enpresa esportatzaileentzat zein nazioarteko merkatuetan lehen urratsak egiten dituztenentzat zuzendua, doako tresna da Bizkaiko enpresa-sarea nazioartekotzeko; izan ere, aholkularitzaz eta zalantzak argitzeaz gain, hainbat erakundek ematen dituzten laguntzei buruzko informazio zehatza ematen du, eta enpresen esportazio-ahalmenaren azterketa zehatza egiten du.
