MERKATARITZA-ESTABLEZIMENDUAK MODERNIZATZEKO LAGUNTZEN PROGRAMA – MEC 2023
Eusko Jaurlaritzak laguntza hori eskatzeko epea ireki du. Laguntza horren helburua Euskadiko merkataritza-establezimenduen eta zenbait zerbitzuren modernizazioa bultzatzea da, berrikuntzaren, kudeaketa-tresnen hobekuntzaren, azpiegituren eta merkataritza-ekipamenduaren bidez, kalitate- eta lehiakortasun-maila handiagoa lortzeko bide gisa.
MERKATARITZA-ESTABLEZIMENDUAK MODERNIZATZEKO LAGUNTZEN PROGRAMA – MEC 2023
Epea zabalik 2023ko ekainaren 20tik irailaren 30era.
Eskabidea telematikoki aurkeztu behar da esteka honetan.
Laguntzak sarrera-ordenaren arabera eman eta ebatziko dira, espedientea osatuta dagoen unearen arabera.
ONURADUNAK
Pertsona autonomoak, sozietate zibilak, ondasun-erkidegoak eta ETEak, fakturazio-bolumenari dagokionez jarduera nagusia Euskal Autonomia Erkidegoan dutenak, saltokiak edo zerbitzu jakin batzuk izan, eta baldintza hauek betetzen dituztenak:
- Egoitza soziala, fiskala eta merkataritza-establezimendua EAEn.
- Onartutako IAEren batean aritzea eta alta emanda egotea
- Eskabidea egin baino urtebete lehenago, gutxienez, merkataritza- edo zerbitzu-jarduera bera egitea. Jarduera Ekonomikoen gaineko Zergan (gutxienez urtebete) benetan alta emanda egotea zenbatzeko, berdin izango da pertsona eta erakunde eskatzaileek merkataritza- edo zerbitzu-jardueran alta emanda daramaten denbora, edo diru-laguntzaren xede den establezimenduan alta emanda daramaten denbora.
DIRUZ LAGUN DAITEZKEEN INBERTSIOAK
1. lerroa. Merkataritza-establezimenduaren azpiegitura eta ekipamendua berritzea.
2. lerroa. Teknologia berriak eta berrikuntza sartzea.
Ikus zehatz-mehatz zer inbertsio diren diruz lagungarriak eta zer inbertsio ez diren.
2022ko urriaren 1etik 2023ko irailaren 30era arte egindako inbertsioak bakarrik onartuko dira.
SALTOKI BAKOITZEKO ONARTUTAKO INBERTSIOAREN GUTXIENEKO ZENBATEKOA
- 3.000 euro + BEZa 1. lerroan jasotako inbertsioetarako.
- 1.000 euro + BEZa, 2. lerroan jasotako inbertsioetarako.
LAGUNTZEN ZENBATEKOA
- Onartutako inbertsioaren % 30
- Gehienez 9.000 euroko laguntza establezimendu eta urte bakoitzeko
Diru-laguntzaren ehunekoa % 40ra arte handitu ahal izango da, honako hauek egiaztatzen badira:
- Parte hartzea: Merkabide, Retaileko Euskal Eskola edo Eus-commerce. Puntu 1
- 2. lerroa: 2 puntu
- Emakumearen enplegu-egonkortasuna: puntu 1
- Berdintasun-plana edo kontziliazio-plana: puntu 1
- Kontsumobide arbitrajeari atxikitzea. Puntu 1
- Merkataritza arloko edo gremioko elkartearekiko lotura: puntu 1
- Berriz Enpresa (eskualdaketaren antzinatasunik gabe): puntu 1
- Establezimenduaren antzinatasuna >10 urte: puntu 1
- Euskarazko arreta: puntu 1
ESKAERA
Eskaera egiteko epea: 2023ko ekainaren 20tik irailaren 30era.
Eskabidea telematikoki aurkeztu behar da esteka honetatik.
Laguntzak sarrera-ordenaren arabera eman eta ebatziko dira, espedientea osatuta dagoen unearen arabera.
