Arku Atlantikoko Merkataritza Ganberek Europa barruan Makroeskualde berri bat sortzea eskatzen dute Bruselan

Urriaren 13an eta 14an, Archam-ek – Arku Atlantikoko Merkataritza Ganberen aliantzak – foro bat egin du Bruselan, eta Europako erakundeei hurbildu dizkie Makroeskualde Atlantikoa sortzen laguntzeko helburuan aurrera egiteko gauzatzen ari diren ekintzak.

Foroaren lehen jardunaldia CPMRren Arku Atlantikoko Batzordearen Presidentetzak Europako hiriburuan duen ordezkaritzan egin da, eta ekimenaren parte diren Portugal, Espainia eta Frantziako Ganberetako ordezkariak bildu dira. Bilera tekniko batean, martxan dauden proiektuetan egindako aurrerapenen berri eman da, Aliantzaren erronkak berrikusi dira eta ekintza berriak planifikatu dira.

José Ignacio Zudaire Bilboko Merkataritza Ganberako presidenteak – proiektuaren Idazkaritza Teknikoa duena – egin die ongietorria Avileseko Daniel González Menéndez; Kantabriako Tomás Dasgoas; Gijoneko Félix Baragaño; Gipuzkoako Mauricio Arregui; Oviedoko Carlos Paniceres Ganberetako Presidenteei; baita Oviedoko José Manuel Ferreira presidenteordeari; Bilboko Mikel Arieta-Araunabeña; Kantabriako Rosa Vega; Gipuzkoako Javier Zubia; Oviedoko Álvaro Alonso; Santiagoko Rosa Mary Cardeso; eta Tuiko Ariadna Pino idazkari nagusiei; Coruñako Daniel Tafalla zuzendari nagusiari; eta Pontevedra, Vigo eta Villagarciako Ramón Víctor Correa zuzendari nagusiari ere.

Ondoren, Euskadik Europar Batasunerako duen ordezkariak, Marta Marínek, hitzaldi batean azaldu du zer pauso ematen ari den eskualdeen batasun hori –gaur egun hiru estatutako ordezkariak ditu (Frantzia, Espainia eta Portugal), eta asmoa da etorkizunean beste hiru eskualderen atxikimendua izatea (Irlanda, Erresuma Batua eta Kanada)– Makroeskualde Atlantikoa sortzeko bidean.

Archameko proiektuak garatzeko hartutako erabakien eta ondorioen aurkezpenarekin amaitu da jardunaldia, eta bertan izan dira Espainiako Gobernuko Atlantikoko Korridorearen ordezkari José Antonio Sebastián; Europako Parlamentuko diputatu Jonás Fernández; Asturiasko Gobernuko Mugikortasun, Ingurumen eta Larrialdien Kudeaketako kontseilari Alejandro Jesús Calvo; Asturiasko Gobernuko Azpiegitura eta Mugikortasun Jasangarriko sailburuorde Jorge García; eta Asturiasko Gobernuko Eskualde Ereduaren Estrategiarako eta Inbertsioak Erakartzeko zuzendariorde nagusia, Nuria Castaño.

Bigarren jardunaldia lan-gosari batekin hasi da Europako Parlamentuaren egoitzan, Renew Taldeak eta CPMRren Arku Atlantikoko Batzordeak antolatuta. Bertan, parte hartu duten Ganberetako presidenteek eta idazkari nagusiek eta Europako Parlamentuko hainbat estamentutako ordezkariek Arku Atlantikoaren garapenaren ikuspegi integratua partekatu dute, makroeskualderantz eboluzionatzeko aukera gisa.

Topaketa Atlantikoko makroeskualde baterako ibilbide-orriari buruzko aurkezpen batekin hasi da, Oihane Agirregoitia eta Marie-Pierre Vedrenne eurodiputatuek moderatua, eta Sandro Gozi Europako Alderdi Demokratikoko idazkari nagusiaren, Fernando Sampedro Marcos Espainiako Gobernuko Europako Gaietarako estatu-idazkariaren, eta Ander Caballero Eusko Jaurlaritzako Kanpo Harremanetarako idazkari nagusi eta Euskadiko Batzorde Atlantikoko ordezkariaren parte-hartzearekin.

Ondoren, CCDR Norteko presidente António Cunhak, Bilboko Merkataritza Ganberako idazkari nagusi Mikel Arieta-Araunabeña Bustinzak eta Baltic Sea Strategy Point-eko (BSP) development officer Tom Schumacherek, ingurune atlantikoari buruzko beren testigantzak eman dituzte, eta EUSBSRko Hezkuntza Arlo Politikoko koordinatzaile Anders Bergströmelk Baltikoko Makroeskualdeak izandako esperientziak azaldu ditu.

Geroago, eztabaida egin da Paulo do Nascimento Cabral (EPP, Portugal) eta Marcos Ros Sempere (S&D, Espainia, eta S&D en Regiko koordinatzailea) eurodiputatuen parte-hartzearekin.

Roberta Metsola Europako Parlamentuko presidentea izan da bileraren ondorioak aurkeztu eta saioari amaiera emateko arduraduna.

Ondoren, Espainiako Merkataritza Ganberak Europar Batasunaren aurrean duen ordezkaritzan egin da jardunaldia, eta Makroeskualde Atlantikoaren sorrerari buruzko saio bat egin da, hainbat ordezkari iraunkorrekin eta Europako eragileekin.

José Antonio Sebastián Ruiz Atlantikoko Korridoreko komisarioak, Alejandro Jesús Calvo Rodríguez Asturiasko Printzerriko Mugikortasuneko, Ingurumeneko eta Larrialdien Kudeaketako kontseilariak eta Élise Wattrelot CRPMko Arku Atlantikoko Batzordeko idazkari exekutiboak ‘Atlantikoko Korridorearen garapena’ mahai-inguruan parte hartu dute. Bien bitartean, Tom Schumacher Baltic Sea Strategy Pointeko (BSP) development officera; Juan Fco. Hernández Alfaro Espainiak EBn duen ordezkaritza iraunkorraren Lurralde Politikako, Gai Orokorretako eta Europako Parlamentuko kontseilaria; Kantabriako Gobernuak Bruselan duen Bulegoko zuzendaria, Inmaculada Valencia Kantabriako Gobernuaren Bruselako Bulegoko zuzendariak; eta Mikel Antón Eusko Jaurlaritzako Europako Gaietarako zuzendariak, dauden estrategia atlantikoen aurrean Makroeskualde Atlantikoa sortzeak duen balio erantsiari buruz eztabaidatu dute, ‘Makroeskualde atlantikoa’ mahaian. Bi mahai-inguruetako moderatzailea Jose Antonio Calvo izan da, Aclima Consulting-ekoa.

Archam-i buruz

Portugal, Galizia, Asturias, Kantabria, Burgos, Nafarroa, Euskadi eta Akitania Berriko Iparraldeko Merkataritza Ganberek Arku Atlantikoko Merkataritza Ganberen Adierazpena sinatu zuten Bilbon, 2023ko ekainean, Atlantikoko lurraldeek ekonomiaren, gizartearen eta ingurumenaren arloetan dituzten erronkei aurre egiteko ganbera arteko eta erakunde arteko lankidetza-mekanismoak sortzeko.

Lehen Konferentzia hartatik, beste hiru egin dira, Porton, Oviedon, eta Vigon. Horietan, aurrerapausoak eman dira interes komuneko gaiak identifikatzeko, dokumentu estrategiko bat egiteko, eta administrazio publikoak eta beste erakunde batzuk proiektuan sartzeko. Dokumentu estrategikoak lehentasunezko hiru lan-eremu finkatzen ditu, lurralde guztietarako interes komunekoak:

1. Garraioa eta intermodalitatea
   • Atlantikoko trenbide-korridoreari bultzatzea
   • Arku Atlantikoko portuen intermodalitatea eta konektibitatea bultzatzea
2. Hidrogenoaren eta Energia Berriztagarrien Korridorea
   • Hidrogenoaren korridorearen garapena
   • Itsasoko eolikoa
3. Donejakue Bidea bereizgarri egituratzaile gisa
   • Enoturismoa
   • Aisialdiko, naturako eta ongizateko jarduerak

Arku Atlantikoko Ganberek sinergiak sortu nahi dituzte lan-eremu horien inguruan, lurraldea eraldatzeko eta lehiakorrago, jasangarriago, dinamikoago, irekiago eta konektatuago bihurtzeko, bai eta erakargarriagoa eta herritarrentzako bizi-kalitate handiagokoa ere.