PROFEX, KANPO-MERKATARITZAKO TEKNIKARI ADITUA
Nazioarteko merkataritzan esperientzia duen profesional batekin zure esportazio-saila indartzen laguntzen dizugu.
Programan parte hartu nahi duzu? Kontsultatu informazioa hemen klik eginez edo jar zaitez gurekin harremanetan eskuineko inprimakia betez.
PROFEX, KANPO-MERKATARITZAKO TEKNIKARI ADITUA
Helburua zure esportazio-saila indartzea da, nazioarteko merkataritzan aditua den eta esperientzia duen pertsona bat sartuz, lanaldi partzialean eta gehienez 18 hilabetez lan eginez. Irtenbide horri esker, zure enpresak merkatu berriak irekiko ditu eta/edo salmentak areagotuko ditu dagoeneko bertan dagoen herrialdeetan edo sektore/bezero berriei.
NOIZ IREKI ZERBITZUA
CÁMARABILBAOtik gomendatzen dugu kanpo-merkataritzan aditua den profesional bat sartzea zure produktuen edo zerbitzuen esportazioa handitu nahi baduzu eta kasu hauetakoren batean bazaude:
- Langile gehiago beharko zenituzke merkatu berrietara esportatzeko, baina ezin duzu kontratazio berririk egin
- Esportazioarekin hasi nahi duzu, baina zure aurrekontua mugatua da
- Esportatzeko modua planteatzen duzu, baina kanpo-merkataritzari buruz dituzun ezagutzak mugatuak dira
- Ez duzu denborarik proiektu berrietara bideratzeko
- Ez duzu kanpo-merkataritzari buruzko ezagutzarik
ENPRESA PARTE-HARTZAILEAREN KOSTUA
Zerbitzu honek 850 €-ko kostua du hilean. Parte hartzen duten enpresei hilean 400 euroko hobaria aplikatuko zaie, eta enpresak hilean 450 euroko benetako kostua izango du. Diru-laguntzaren likidazioa hiru hilean behin ordainduko da.
NOLA EGITEN DUGUN LAN
Kanpo-merkataritzan aditua den profesionalak modu pertsonalizatuan lan egingo du enpresak izendatutako pertsonarekin proiektu osoan (18 hilabete gehienez).
Esportazio-prozesua hasten duten enpresekin, enpresaren esportazio-potentziala aztertzen hasiko gara, barne-baliabideak eta gaitasunak kontuan hartuta, emaitzen arabera helburuak finkatu eta Nazioartekotze Plana egiteko. Plan hori izango da aldi osoan jarraitu beharreko ibilbide-orria.
Enpresak jada kanpoko merkatuan lan egiten badu, dauden merkatuen finkapena egiaztatzen dugu eta dibertsifikazioa merkatu eta/edo sektore berrietara lantzen dugu. Helburua da Nazioartekotze Plana egokitzea (edo Plana egitea, ez badauka) eta proiekturako erronkak finkatzea.
Proiektua % 100 pertsonalizatua eta enpresaren beharretara egokitua denez, egin beharreko ekintzak ezarritako helburuak lortzera bideratuko dira.
Proiektuan zehar garatu ohi diren ekintzak:
- Aholkularitza nazioarteko eragiketa guztietan: incotermak, muga-zergak, logistika, etab.
- Esportaziorako prezioak kalkulatzea.
- Eskaintzak aurkeztea eta ondoren jarraipena egitea, balizko erosleek behin betiko erantzuna eman arte.
- Banatzaileak bilatzea.
- Balizko bezeroak identifikatzea eta haiekin harremanetan jartzea.
- Enpresari bidaietan eta bezeroentzako bisitaldietan laguntzea.
- Diru-laguntzak identifikatzea eta kudeatzea.
Helburua enpresari nazioartekotzean hazten laguntzea da, metodologiarekin eta sistemarekin.
Laguntzaileak
